Mae croeso i bawb ddod draw i un o’n Heglwysi, mae gwasanaethau’n cael eu cynnal bob dydd Sul. Bydd y rhain naill ai’n Gymun Bendigaid, Boreol Weddi neu Hwyrol Weddi, yn dibynnu ar ble rydyn ni yn y dydd neu yn y calendr. Mae’r gwasanaethau hyn hefyd yn amrywio o fod yn gyfan gwbl Gymraeg, yn Ddwyieithog neu’n Saesneg i gyd, gan ddarparu ar gyfer pawb sy’n credu. Rydym hefyd yn cynnal gwasanaeth cyfun ar gyfer y Fro gyfan yn un o’r Eglwysi, pan fydd pumed Sul yn y mis. Mae’r rhain yn arbennig o groesawgar gan ein bod yn cyfuno ein teuluoedd eglwysig llai yn un teulu mwy ar yr achlysuron hyn. Bydd gwasanaethau ychwanegol drwy gydol y flwyddyn hefyd yn gysylltiedig â digwyddiadau penodol, fel y Pasg, y Cynhaeaf, Sul y Cofio a’r Nadolig.

Y lle gorau i gael gwybod beth sy’n digwydd ym Mro Eleth yw ein tudalen Facebook - gweler y ddolen isod.

Byddwch hefyd yn gweld bod rhai o’r Eglwysi yn agored yn ystod misoedd yr haf i ymwelwyr fwynhau eu cyd-destun hanesyddol, neu i bobl dreulio rhywfaint o amser yn myfyrio’n dawel, ond hefyd i ddangos eu pwysigrwydd parhaus yn ein cymunedau.